БҚО: су тасқынынан зардап шеккендерге берілетін біржолғы әлеуметтік көмек 369 200 теңгеге артты
184 600 теңге көмек алған отбасылар қайта құжат жинамай, тек өтініш беру арқылы екінші мәрте көмек ала алады.
Су тасқынынан зардап шеккендерге берілетін біржолғы әлеуметтік көмек 369200 теңгеге артты,-деп жазады,-«Batys today» телеграм арнасы.
Биылғы көктемде өңірде болған су тасқыны салдарынан зардап шеккендерге және қиын жағдайға тап болған отбасыларға осы кезге дейін 50 АЕК мөлшерінде, яғни 184 600 теңге көлемінде біржолғы әлеуметтік көмек көрсетіліп жатыр. Бүгінгі таңда 677 отбасына көмек көрсетілді.
Оның сыртында 1300-ден астам отбасы өтініш берді. Осы аптадан бастап көрсетілетін көмектің көлемі екі есе ұлғайтылып, 100 АЕК яғни, әр отбасына 369 200 теңге көмек көрсету туралы шешім қабылданды. Көмек көрсету әлі жалғасып жатыр. Сонымен қатар 184 600 теңге көмек алған отбасылар қайта құжат жинамай, тек өтініш беру арқылы екінші мәрте көмек ала алады.
Айта кетейін, тасқыннан зардап шеккендерге бүлінген үй-жайлары мен басқа да шығындарының көлемі комиссия анықтағаннан кейін арнайы көмек көрсетіледі, – деді БҚО әкімінің орынбасары Бақытжан Нарымбетов.
