Оралда Жайықтың су деңгейі қауіпті шектен асып кетті
Орал қаласында Жайық өзеніндегі су деңгейі 852 сантиметрге жетті.
«Қазгидромет» РМК БҚО филиалының 21 сәуір таңғы сағат 08.00-дегі мәліметіне қарағанда, өзен деңгейі облыс орталығындағы гидробекетте бір тәулікте 24 сантиметрге көтеріліп, қауіпті шектен (850 см) асып кетті.
Бәйтерек ауданы Январцев ауылы тұсында 902 (+3, қауіпті шегі – 1 250 см), Көшімде 833 (+29, 850 см), Тайпақта 514 (+10) сантиметрді көрсетті.
Сондай-ақ Көшім каналындағы су деңгейі 824 сантиметрге (+11, қауіпті шегі – 800 см) жетті.
Шаған өзені деңгейі Чувашин ауылында 731 (+18, қауіпті шегі – 1 300 см) сантиметр болды.
Бәйтерек ауданы Рубежка өзені деңгейі 946 см (+3) болып, қауіпті шекке (1 мың см) жақындады.
Эвакуациялық пунктер тізімі:
(Жайық өзені жағалауына жақын аудандар бойынша)
- Желаев кенті «Рахмет» супермаркетінен теміржолға дейін — №44, №28 орта мектеп.
- Желаев кенті теміржолдан Вербовая көшесі 4 және 2-үйге дейін тұратындар — №24 орта мектеп.
- Желаев кенті Вербовая көшесі 4 және 2-үйден Чкалов көшесімен «PITSTOP» жанар-жағар май стансасының арты — №16 орта мектеп.
- Ет комбинаты ауданы «PITSTOP» жанар-жағар май стансасының арты – Шыңғырлау көшесіне дейін — №34 орта мектеп.
- Ет комбинаты ауданы Шыңғырлау көшесінен Шүкіров көшесіне дейін — №5 және №23 орта мектеп.
- Ет комбинаты ауданы Шүкіров көшесі Бұхар көшесіне дейін — №42 орта мектеп.
- Әмбебап дүкені ауданы «ЗапКазРЭК»-тен (ОралПЕТГАЗ) А.Құсайынов көшесіне дейін — №16 және №39 мектеп.
- А.Құсайынов көшесінен Орал-1-ге дейін — №26 және №4 орта мектеп.
- Орал 1-ден Т.Жароков көшесіне дейін — №35 орта мектеп.
- Т.Жароков көшесінен Стеллаға дейін — №35 орта мектеп.
Курени ауданы Стелладан Н.Назарбаев даңғылына дейін — №7 орта мектеп. - Курени ауданы Н.Назарбаев даңғылынан М.Горький көшесіне дейін — №19 және №21 орта мектеп.
- Жәңгір хан көшесінен Коминтерн ауылына дейін, ветстанса ғимараты — №30 орта мектеп.
- Коминтерн ветстансадан Свободная көшесі ¼-үйге дейін — №10 орта мектеп.
- Коминтерн Онискин көлінен («Nur ER») «Стеновик» стадионына дейін — №47 орта мектеп.
Шаған өзені жағалауына жақын аудандар бойынша - Пугачев ауылынан Исатай-Махамбет көшесіне дейін — №45 орта мектеп.
- Исатай-Махамбет көшесінен С.Даумов көшесі 79-үйге дейін — №50 орта мектеп.
- С.Даумов көшесі 79-үйден Н.Сыдықов көшесіне дейін – БКМ.
- Резервтік эвакопунктер — №38, №37 орта мектептер және эстетикалық бағыттағы гимназия.
