Келген шығындар үшін жауапты шенеуніктер заң алдында жауап беруге тиіс-Мәжіліс депутаты
Мәжіліс депутаты Абзал Құспан бүгін мәжілісте Бас прокурор Берік Асыловқа жолдаған сөзінде жергілікті атқарушы билік органдары мен құқық қорғау органдары БҚО-дағы су тасқыны салдарын жоюға арналған бюджеттің шамадан тыс шығындары үшін жауап беруі тиіс екенін айтты.
Депутат облыстың мемлекеттік органдарын жермен теріс пайдаланудың бірқатар фактілерін атап өтті, атап айтқанда, саяжай учаскелерін тұрғын үйлерге ресімдеу және оларға газды мемлекеттік есебінен жеткізу, саяжай серіктестіктерінің мемлекеттік бағдарламасы бойынша тұрғын үйлер салу. Құспан «2-ші саяжай» ауданындағы «Нұрлы жол» тұрғын алабы туралы айтты. Қазір Үкімет осы тұрғын алабының тұрғындарына келтірілген залалды өтеу бойынша шығындарды қайтадан өз мойнына алып, бюджет есебінен үйлерін қайта салуға мәжбүр.
Депутат Бас прокурорға жолдаған сөзінде БҚО прокуратурасы жергілікті атқарушы биліктің заңсыз әрекеттері фактілеріне немқұрайлы қарайтынын және облыс халқының Заңы мен құқықтарын қорғай алмайтынын айтты.
Мемлекеттік органдар басшыларының заңды бұзғаны туралы дәлелдері бар дәйексіз фактілерге прокуратура шара қолданбайды, — деді Мәжіліс депутаты.
Оның айтуынша, аталған салғырттыққа және келген шығындар үшін жауапты шенеуніктер заң алдында жауап беруге тиіс.
2011 жылы орын алған су тасқынынан БҚО билігі сабақ алмағанға ұқсайды, сол кезде де бүкіл мамандар өзен жағасынан үй салуға рұқсат бермеу керек деп дабыл қаққан болатын, енді сол кезде суға кеткен жерлер тағыда суға кетті. Сол уақытта мысалы, Самал ауданы саяжайының тұрғындарына деп мемлекет облыс орталығынан үй салып берді, алайда саяжай жерлерін мемлекет қорына қайтарып алған жоқ, енді сол саяжай тұрғындарына мемлекет тағыда үй салып беру керек пе? Үшіншіден, ол аз болғандай, 2011 жылдан кейін Орал қаласының төңірегінен көрінеу суға кететін жерлерден жаңа тұрғын үйлер, іс жүзінде жаңа мөлтекаудандар пайда болды, соның бірі толықтай суға кетіп қалған «Нұрлы жер» ауданы. Схема өте қарабайыр, бірақ ол ондаған жылдар бойы еш кедергісіз жұмыс жасауда, әкімдікке жақын пысықтар мен пысықайлар гектарлап тегін жер алып алады да, қара халыққа он сотықтан бөліп сатады, болды!, — дейді Абзал Құспан.
