БҚО-да көктемгі дала жұмыстарына 8,5 тонна дизель отыны бөлінді
Оператор «NEFTEK Operating» ЖШС болып табылады, құны 1 литр ЖЖМ-238 теңге.
БҚО ауыл шаруашылығы басқармасы басшысының орынбасары Берік Ситқазиев брифингте облыстағы көктемгі дала жұмыстарының барысы туралы айтты. Оның айтуынша, биылғы жылы барлық ауыл шаруашылығы дақылдарының егіс алқабы 607 мың га құрайды. Өткен жылдың күзінде күздік дақылдарды егуді ескере отырып, дәнді дақылдар 287 мың, майлы дақылдар – 116 мың га, картоп және көкөніс – бақша дақылдары – 9 760 га және жемшөп дақылдары-194 мың.
— Өткен жылдың күзінде 2024 жылғы егінге 97 мың гектар күздік дәнді дақылдар егілді, оның ішінде 90 мың күздік бидай, 7 мың гектар қара бидай және 460 гектар тритикале. Аудан әкімдіктерінің мәліметінше, сақталған егістің жағдайы 31 мың гектарды құрайды, яғни «жақсы», 61 мың гектар – қанағаттанарлық және 5 мың гектар нашар жағдайда. Бүгінгі күні зертханаларға егу сапасына зерттеу үшін түскен тұқымның көлемі толық тексерілді. Жалпы, облыс бойынша 2024 жылы көктемгі егіске қажетті тұқымның қажеттілігі 27,7 мың тоннаны құрайды. Барлық техника көктемгі егіс жұмыстарына дайын, 3 725 бірлік трактор, 1 154 сепкіш, 335 қопсытқыш және басқа да ауыл шаруашылығы техникасы қатысады. Бұл жұмыстарға 8,5 тонна дизель отыны бөлінді. Оператор «NEFTEK Operating» ЖШС болып табылады, құны 1 литр ЖЖМ-238 теңге, – деп хабарлады БҚО ауыл шаруашылығы басқармасы басшысының орынбасары.
Берік Ситқазиев аудан әкімдіктерінің деректері бойынша 266 мың гектар аумақта ылғал жабылғанын атап өтті. Егіс алдындағы өңдеу 18 мың гектарға жүргізілді. Көктемгі жер жырту 2,7 мың гектар алқапта жүргізілді.
Оның айтуынша, биылғы су тасқыны салдарынан облыс орталығы мен бірқатар ауданда ауыл шаруашылығы нысандарына зақым келді. Оның ішінде өсімдік шаруашылығы нысандары да бар.
«Қардың тез еруі және түскен жауынның салдарынан күздік егістіктерге, шағын шаруашылық қоймаларындағы тыңайтқыштарға, жылыжайларға зақым келген. Бұл нысандар Бәйтерек, Теректі, Бөрлі аудандары мен Орал қаласында орналасқан. Су тасқынынан зардап шеккендердің барлығына қолдау көрсету мақсатында мемлекет барлық қажетті шараларды, соның ішінде келтірілген залалды өтемақы түрінде өтеуді қолға алуда. Осы мақсатта жеке және заңды тұлғаларға келген зиянды өтеу қағидасы әзірленді, қазіргі уақытта барлық мүдделі органдармен, соның ішінде кәсіпкерлер палатасымен және басқа да бизнес құрылымдармен келісілуде. Аудандарда құрылған комиссия су тасқыны болған жерлерді аралап, актілеуде. Қорытындылары тиісті органдарға ұсынылады» деді Б.Ситқазиев.
Оның нақтылауынша, комиссияларға 22 өтініш түскен, оның ішінде Теректі ауданында — 3, Бөрліде — 1, Бәйтерек — 16, Орал қаласында — 2.
Кейбір нысандарда әлі де су бар, сондықтан оларды барып қарау мүмкін емес.
Қазіргі уақытта 8,4 мың гектар дәнді дақылдар, 1,8 гектар майлы және жемшөп дақылдары, 70 гектар картоп және 55 көкөніс егілді. Облыста тұқым себу жалғасуда.
ОҚИ ОТЫРЫҢЫЗ: БҚО Тасқала ауданында фермерлердің алдағы егіске себетін тұқымы жоқ
Дабыл мен үміт: Қазақстанда жаппай су тасқынынан кейін егін бола ма
