Оралда абаттандыру ережелерін бұзғандарға айыппұл салынды

Бұл бап бойынша табиғи полигондар үшін ғана емес, сонымен қатар жасыл желектерді жою, зақымдау үшін айыппұл қарастырылған.

БҚО полиция департаментінің мәліметінше, жыл басынан бері ҚР ӘҚБтК 505-бабы бойынша 703 Орал тұрғыны әкімшілік жауапкершілікке тартылған. Бапта табиғи полигондар үшін ғана емес, сонымен қатар жасыл желектерді жою, зақымдау үшін айыппұл қарастырылған. Айыппұл сомасы 20-дан 100 АЕК-ке дейін, бұл 73 840-тан 369 200 теңгеге дейін.

Қала әкімдігінің Instagram парақшасында қазір қалада мониторинг жүргізіліп жатқаны, ТКШ қызметкерлері полициямен бірлесіп рейдтер жүргізіп жатқаны хабарланды.

-Егер бизнес-объектілерді, көппәтерлі үйлер мен жеке секторлардың аулалары мен іргелес аумақтарын мониторингтеу кезінде бұзушылықтар анықталса, онда бірінші рет өз аумағын ретке келтіру қажеттігі туралы ескерту жасалады. Үш күннен кейін топ қайтадан тексеру жүргізеді. Егер бұзушылықтар мерзімінде жойылмаса, онда тиісті шаралар қабылданады. Ең жиі кездесетін бұзушылық — құрылыс алаңдарында қоршаудың болмауы, коммерциялық нысандар мен үйлердің жанында құрылыс материалдарын, шиналар мен қоқыстарды жинау немесе уақтылы жинамау, – делінген әкімдік парақшасында.

Жыл басынан бері мониторингтік топ 536 хаттама толтырып, 15 жағдай бойынша айыппұл салды. Жыл басынан бері барлығы 1735 бұзушылық тіркелді.