БҚО-да су тасқынынан кейін үйлер мен объектілерге дезинфекция жүргізілді
Сондай-ақ, сібір жарасы бар жерлеу орындары мен мал қорымдарына дезинфекция жүргізілді.
БҚО санитарлық-эпидемиологиялық бақылау департаментінің басшысы Мұхамғали Арыспаевтың айтуынша, облыстың төрт ауданында бұрын су басқан үйлер мен нысандарды дезинфекциялау жұмыстары жүргізілуде.
Мұхамғали Арыспаев бүгінгі күні төмендегі ауылдарда дезинфекция жүргізілгенін атап өтті.
- Сырым ауданындағы 3 сібір жарасы бар жерлеу орындары;
- Сырым ауданы Жымпиты, Өлеңті, Бұлдырты ауылдарында және Қаратөбе ауданы Қоржын ауылында 4 мал қорымы;
- Сырым ауданында: Қосарал ауылының су құбыры, аула аумақтары, септиктер мен көше дәретханалары бар 124 тұрғын үй;
- Қаратөбе ауданының Қоржын ауылында: әкімдік ғимараты, мектеп ғимараты, тұрғын үй, оның ішінде аула аумақтары мен көше дәретханалары;
- Теректі ауданында: Кемер ауылының ұңғымасы, Подстепное, Ұзынкөл, Шөптікөл, Төңкеріс ауылдарындағы мектептер, Подстепное ауылындағы септиктері мен көше дәретханалары бар 52 тұрғын үй;
- Бөрлі ауданында: Ақсу ауылының медициналық пункті, сондай-ақ су тасқынынан зардап шеккен тұрғын үйлерге дезинфекция жүргізу жоспарлануда.
