Бес тас жолда Zerek-2 камералары іске қосылды
Жиырмадан астам жаңа камера жылдамдық асырғандарды түсіріп, олар туралы ақпарат жібере бастады.
20 мамырдан бастап мына жолдарда 21 «Zerek-2» аппараттық-бағдарламалық кешені штаттық режимде жұмыс істейді:
- Павлодар — Қалбатау,
- Бейнеу — Ақжігіт,
- Орал — Самара,
- Павлодар — Омск,
- Орал — Саратов.
Камера жылдамдық асырған жүргізуші туралы ақпаратты әкімшілік іс жүргізудің бірыңғай тізіліміне жібереді.
Бір жыл бұрын дәл осындай бейнебақылау жүйесі Шымкент — Қызылорда, Шымкент — Өзбекстан шекарасы, Шымкент — Тараз, Тараз — Қайнар, Қонаев — Талдықорған және Астана — Павлодар тас жолдарында жұмыс істей бастады. Әкімшілік полиция комитетінің өкілдері жоба жақсы нәтиже көрсеткенін айтты.
Мәжілісмендер полицияға көліктің орташа жылдамдығын анықтауға мүмкіндік беретін заңнамалық түзетулер жобасын екінші оқылымда қабылдады.
