Ресей ядролық қаруды дайындап, қолдану жаттығуларын бастады
Ресейде стратегиялық сипаттан тыс ядролық қаруды қолдану бағытында оқу-жаттығулар басталды.
Ресейдің Оңтүстік әскери округінде оқу-жаттығулардың бірінші кезеңі басталды, оның ішінде стратегиялық сипаттан тыс ядролық қаруды дайындау әрі қолдану бойынша тәжірибелік сабақтар өткізілген. Бұл туралы РФ Қорғаныс министрлігінің баспасөз қызметі хабарлады.
Оқу-жаттығулар барысында осы әскери округтің әскери қызметшілері «Ескенді жедел-тактикалық зымыран жүйесіне арналған арнайы оқ-дәрілерді алудың жауынгерлік даярлық тапсырмаларын» меңгереді. Сонымен қатар зымыран жүйелерінің жеке құрамының зымырандық қондырғыларды ядролық қарумен жарақтандыру бойынша оқу-жаттығулары өтеді.
Баспасөз қызметі сондай-ақ оқу-жаттығуларға қатысқан Ресей аэроғарыш күштерінің авиациялық бөлімшелерінің жеке құрамы авиациялық қаруды арнайы оқтұмсықтармен, соның ішінде «Кинжал» аэробаллистикалық гипер дыбыстық зымырандарымен жарақтандыру бойынша дайындықтан өтіп, арнайы патрульдік аумақтарға ұшып жатқанын атап өтеді.
Қорғаныс министрлігі оқу-жаттығулардың мақсаты бөлімшелердің жеке құрамы мен техникасының жоғары жауынгерлік дайындығын сақтау, Батыстык кейбір шенеуніктерінің арандатушылық мәлімдемелері мен қоқан-лоққыларына жауап ретінде Ресейдің аумақтық тұтастығы мен егемендігін қамтамасыз ету екенін атап көрсетеді.
