БҚО-да тоғыз жайлы мектептің құрылысы басталды

Облыс орталығында үш мектеп салынуда.

БҚО әкімінің орынбасары Бақытжан Нарымбетовтың айтуынша, елімізде «Жайлы мектеп» пилоттық жобасы жүзеге асырылуда. Өңірде осындай тоғыз мектептің құрылысы жүргізілуде.

• «Балауса» шағынауданындағы 1500 орындық мектеп. Мердігер-BI Global.
• Деркөл кентіндегі 1500 орындық мектеп. «КазКанстракшнГруп» мердігерлік ұйымы.
• «Медколледж» ауданындағы 600 орындық мектеп. Мердігер – «Жайық жарығы».
• Ақсай қаласындағы Ықсанов көшесіндегі № 1 мектеп.
• Ақсай қаласының жетінші шағын ауданындағы 900 орындық мектеп. Ақсайда екі мектепті де «Альтаир СК7″ЖШС салып жатыр
• Бөрлі ауданы Пугачево ауылында 300 орындық мектеп. Мердігер — «Жайық Сити» ЖШС.
• Бәйтерек ауданы Байқоңыр ауылындағы 600 орындық мектеп. Мердігер — «Антариум груп».
• Бәйтерек ауданы Достық ауылында 1200 орындық мектеп. Мердігер ұйым-1Алтим ЖШС».
• Теректі ауданының Подстепное кентінде 1200 орындық мектеп. Құрылысты «Отделстрой» ЖШС жүргізеді.

Бұдан басқа, «Білім беру инфрақұрылымын қолдау қорының» қаражаты есебінен 400 орындық №31 мектептің құрылысы басталды. Мердігер — «Альтаир» құрылыс компаниясы.

Бұдан басқа, КПО б.в. компаниясының әлеуметтік инвестициялары есебінен Бөрлі ауданы Жарсуат ауылында және Казталов ауданы Саралжын ауылында шағын жинақты мектептердің құрылысы жүргізілуде.

Жалпы облыста сегіз мыңнан астам баланы қамтитын 12 мектеп салынуда.