БҚО-да су тасқынынан зардап шеккендерге келтірілген залалды өтеуге жұмсалатын шығындар он миллиард теңгеден асып түседі

Бұл Батыс Қазақстан облысы бюджетінің барлық шығыс бөлігінің шамамен 2.5 — 3% құрайды. Облыс әкімі Нариман Төреғалиев «Орал апталығының» бас редакторына берген сұхбатында су тасқыны салдарын жоюға жұмсалатын шығындар облыс бюджетіне ауыр жүктеме екенін мойындап, жаңа мектептер мен жолдар салудан және шағын аудандардағы аулаларды жөндеуден бас тартуға тура келетінін айтты.

Нариман Төреғалиев түсіндіргендей, су тасқынынан зардап шеккендерге материалдық залалды өтеу және тұрғын үйді жөндеу шығындары жергілікті бюджет қаражатынан жүргізіледі.

— Біз шамамен 10 миллиард теңге сомаға шығындарды есептеп жатырмыз, — деді әкім.

Нариман Төреғалиев бұл жергілікті бюджетке ауыр жүктеме екенін мойындайды, ал Үкімет өңірлерге республикалық бюджеттен қосымша қаржыландыруға сенбеуге кеңес береді

-Мен жолдарды, коммуналдық инфрақұрылымды жөндеуге, абаттандыруға деген қаражатты су тасқынынан зардап шеккендерге келтірілген залалды төлеуге жұмсауға мәжбүрмін. Мен олардың барлығына өтемақы төлеу, тұрғын үйді жөндеу мәселелерін тезірек шешуім керек. Облыс бюджетінің шығыс бөлігі шамамен — 400 млрд теңге (412.4 млрд — «ОА»), оның 40 пайызы — біздің жеке бюджетіміз, (60% — республикалық бюджеттен субвенциялар мен трансферттер — «ОА»). Тұрғындар бізге хабарласып, тұрғын үй, жолдар салуды, шағын аудандардағы аулаларды жөндеуді сұрайды, бірақ қала мен облыстың бюджеті мүмкіндік бермейді. Біз жоспарланған шығындарға қол тигізбейміз, бірақ біз басқа бағыттарға — мектеп салуға жұмсағымыз келген қосымша қаражат бюджетте бұған ақша жоқ.

Бұған дейін облыс әкімінің орынбасары Тілепберген Каюпов БАҚ-қа арналған брифингте су тасқынынан қираған жолдар мен электр тіректерін қалпына келтіру бюджеттен шамамен 1.8 млрд теңге бөлуді талап ететінін айтқан болатын.

БҚО — да су тасқынынан зардап шеккендерден материалдық залалды өтеуге 10 мыңға жуық өтініш, тұрғын үйді жөндеуге 287 өтініш қабылданды.

Толығымен қираған үйлердің орнына үйлер салу және пәтерлер сатып алу Қазақстандағы ірі бизнестің қайырымдылық қаражаты есебінен жүргізілуде.

Орал қаласында ТЖ режимі әлі де жалғасуда.

Эвакопункттерде үйлері су астында қалған саяжай алаптарының екі мыңнан астам тұрғыны тұрып жатыр.

ТАҚЫРЫП БОЙЫНША ОҚЫҢЫЗ: Орал әкімдігі су тасқынынан зардап шеккен саяжай тұрғындарына пәтерді маусым айында сатып алуға уәде береді