«Өлімге әкелуі мүмкін». Субұрқаққа суға түсу несімен қауіпті?
Субұрқақтар – қаланы көркейту элементтері. Олар ауаны ылғалдандырады және орналасқан жеріне эстетикалық түр сыйлайды. Ол суға түсуге арналмаған.
Аптап ыстықта көлеңкеде отырғымыз келеді және салқындау суға түсіп, сергіп алғымыз келеді. Сондықтан көшеде келе жатып субұрқақ көрсеңіз, оған қол-аяғыңызды батырып алғыңыз келуі мүмкін. Ал балалар болса, тіптен, оның ішіне кіріп кетіп, суға түседі. Алайда бұл жаман идея. Massaget.kz субұрқаққа суға түсудің қаупін ұсынады.
Субұрқақтар – қаланы көркейту элементтері. Олар ауаны ылғалдандырады және орналасқан жеріне эстетикалық түр сыйлайды. Ол суға түсуге арналмаған.
Субұрқақтарға суға түсудің қаупі
Жұқпа жұтыру қаупі
Әдетте субұрқақтардағы су тазартылмайды және жаңартылмайды. Жазда субұрқақтардағы суға жануарлар мен құстар да келеді және олар түрлі инфекция тасымалдаушы болуы мүмкін. Ал жаздағы жоғары температура микроағзалардың көбеюіне ықпал етеді.
Субұрқақта ойнау жедел ішек және респираторлық жұқпаларға, конъюнктивитке әкелуі мүмкін. Сондай-ақ энтеровирустық, ротавирустық инфекция, вирусты А гепатитін жұқтыру қаупі жоғары.
Зақым алу қаупі
Судың астында әдетте құбырлар, сорғылар, жарықшамдар жасырынып тұруы мүмкін. Оған аяғыңыз ілініп қалып, құлауыңыз мүмкін. Оған қоса, субұрқақтың беті де тайғақ болады. Бұл одан тайып кетіп, құлауға және түрлі зақым алуға әкелуі мүмкін.
Өлім қаупі
Қауіпті жағдайлардың бірі – субұрқақта тоққа түсіп қайтыс болу.
Ересектер де, балалар да сақтық шараларын сақтау керек:
- Қаладағы субұрқақтар суға түсуге немесе жуынуға арналмаған;
- Далаға шығарда үйден суы бар бөтелке алып шығыңыз. Оны шөлдегенде ішуге және онымен қатты ыстықтағанда беті-қолыңызды шайып алуға болады;
- Ауа райына сай киініңіз;
- Суға түсу үшін рұқсат етілген бассейндер мен суқоймаларға ғана барыңыз;
- Балаларға субұрқақта ойнаудың және суға түсудің қаупін түсіндіріңіз.
