Жансақтау бөлімінде жатыр: Батыс Қазақстанда полицей оқтан жарақат алды
Полиция қызметкері Батыс Қазақстан облыстық Полиция департаментінің ғимаратындағы бақылау-өткізу бекетінде абайсызда қызметтік қарудан өз-өзіне оқ атқан деген болжам бар.
БҚО-да полиция департаментінің ғимаратында оқ жарақатын алған полицей аурухананың жансақтау бөлімінде жатыр.
Полиция қызметкері БҚО ПД ғимаратындағы бақылау-өткізу бекетінде абайсызда қызметтік қарудан өз-өзіне оқ атқан деген болжам бар. БҚО полиция департаментінің басылымға берген мәліметі бойынша, ол аурухананың жансақтау бөліміне жеткізілген.
Оқиғаның мән-жайы анықталып жатыр. Қазір полиция қызметкері жансақтау бөлімінде жатыр. Қылмыстық-процестік кодекстің 201-бабына сәйкес, өзге мәліметтер жария етілмейді, – деді полиция өкілдері.
Әзірге облыстық денсаулық сақтау басқармасының баспасөз қызметі бұл жағдайға қатысты ақпарат берген жоқ.
