БҚО халқы үшін 1 шілдеден бастап газ 13 тиынға қымбаттады
Енді бір текше газ үшін халық 20,50 теңге төлейтін болады, ал оған дейін төлем 20,37 теңгені құрады.

«ҚазТрансГаз Аймақ» АҚ филиалында 1 шілдеден бастап 1 текше газдың бағасы:
– халық үшін-20,50 теңге;
– атаулы әлеуметтік көмек алушылар үшін-16,43 теңге;
– заңды тұлғалар үшін-24,43 теңге;
– бюджеттік ұйымдар үшін-24,60 теңге.
ҚР Ұлттық экономика министрлігі Табиғи монополияларды реттеу комитетінің БҚО бойынша департаментінің басшысы Гүлжаз Қазбекова газдың көтерме бағасының өсуіне байланысты көгілдір отынның түпкілікті бағасы қайта қаралғанын түсіндірді.
Айта кетейік, маусым айының басында Энергетика министрі Алмасадам Сәтқалиев 2024 жылдың 1 шілдесінен бастап сұйытылған автогаз бағасының өсуіне түсініктеме берді.
Оның айтуынша, өсім шамалы болады. Литрдің құны аймаққа байланысты 5-тен 8 теңгеге дейін қымбаттайды. Бірақ сұйытылған газдың тоннасына шекті құны айтарлықтай көтеріледі – 40 320 теңгеден 45 158 теңгеге дейін.
Мария ДРАЧЕВА