БҚО-да медициналық пойыз жұмысын бастады
Денсаулық керуені алда әлі 13 шілдеге дейін БҚО Деркөл, Переметная, Белес, Алғабас, Қазақстан, Амангелді және Шыңғырлау тұрғындарына тегін медициналық-құқықтық көмек көрсетіледі.
Доңғалақ үстіндегі емханадағы дәрігерлер мен әлеуметтік құқық мамандары күнделікті 13:00-14:00 түскі үзіліспен сағ. 09:00-18:00 аралығында қабылдайды. Азаматтарда өздерімен бірге жеке куәлігі болса жеткілікті.
«Ал медициналық пойыз жағдайында балаларды қаратып, ересектердің өздерінің де барлық маманнан бірден кеңес алудың жақсы мүмкіндігі бар. Пойызға ең заманауи медициналық жабдықтар қойылып, тіпті адамдарға шағын оталар жасау қарастырылған», — дейді «Samruk-Kazyna Trust» қорының бас директоры Альфия Адиева.
Пойыздың қозғалыс кестесі мен толық ақпаратты sk-trust.kz, medpoezd.kz сайттарынан және жобаның әлеуметтік желідегі парақшаларынан білуге болады.
