БҚО-ның төрт ауданына құрғақшылық қаупі төніп тұр
Бұған дейін тек Казталов ауданында құрғақшылық болжанған болатын.
«Қазгидромет» РМК деректері бойынша шілде айында Қазақстан аумағында ылғалдандыру көпжылдық мәндерге жақын болады деп күтілуде. Алайда, атмосфералық құрғақшылық қаупі төнген аумақтардың ауданы артып келеді.
Шілде айында атмосфералық құрғақшылық күтілуде:
- Қостанай облысында Амангелді, Жангелді аудандарында және Арқалық қаласында;
- Батыс Қазақстан облысында Казталов, Жәнібек, Ақжайық және Бөкей ордасы аудандарында;
- Ақтөбе облысында Шалқар, Байғанин ,ргыз және Ойыл аудандарында;
- Қарағанды облысында Ақтоғай және Шет аудандарында;
- Абай облысында Аягөз ауданында;
- Алматы облысында Балқаш ауданында;
- Жетісу облысында Алакөл ауданында;
- Жамбыл облысында Мойынқұм, Қордай, Жуалы, Жамбыл, Т. Рысқұлов және Сарысу аудандарында;
- Түркістан облысында Арыс, Созақ, Қазығұрт, Түркістан, Ордабасы, Отырар, Шардара, Жетісай және Бәйдібек аудандарында;
- Қызылорда облысында Арал, Қазалы, Қармақшы, Шиелі аудандарында және Қызылорда маңында;
- сондай-ақ Атырау, Маңғыстау және Ұлытау облыстарының басым аумағында.
Бұрын құрғақшылық тек Казталов ауданының аумағында болжанған болатын.
