БҚО-да желмен ұшып кеткен 4 адам құтқарылды
Патрульдеу кезінде оларды құтқарушылар байқап, көмекке келген.
Оқиға Орал қаласы Шаған өзенінің бойындағы мәдениет және демалыс саябағында орын алды, деп хабарлайды БҚО ТЖ баспасөз қызметі.
Әкесі мен қызы жүзу тақтасымен, сондай-ақ жүзу құралдарынсыз 17 жасар екі жасөспірім алысқа жүзіп кетіп, қатты желдің салдарынан өздігінен жағаға орала алмай қалды. Патрульдеу кезінде оларды құтқарушылар байқап, көмекке келді. Медициналық көмек қажет болмады.
ТЖМ құтқарушылары судағы қауіпсіздік ережелерін еске салады:
- шомылуға тыйым салынған жерлерде шомылуға болмайды;
- тереңдігі белгісіз суға сүңгуге болмайды;
- қалқымалардан аса жүзуге болмайды;
- алкогольдік ішімдік ішкен күйінде суға түспеңіз;
- су көліктеріне жақын жүзбеңіз.
ТЖМ судағы қауіпсіздік ережелерін мүлтіксіз сақтауды сұрайды!
