БҚО-да екі күнде екі жасөспірім суға кетті
Кеше құтқарушылар Ақтаудан қыдырып келген15 жасар жасөспірімнің мәйітін судан шығарды.
Қайғылы оқиға бүгін, тоғызыншы шілдеде Желаево ауылы ауданындағы «Арна» демалыс базасының аумағында болды. Жайық өзенінде жасөспірім суға батып кетті. Оқиға орнында куәгерлер жасөспірімдер ересектердің сүйемелдеуінсіз шомылуға келгенін айтқан болатын.
Бірақ, «Арна» демалыс базасының иесі Айбек Хасенов жасөспірімдермен бірге олардың ата-аналары болғанын, яғни олар ересектердің сүйемелдеуімен болғанын айтты. Олар туған күнін атап өтті.
- Бізде камера бар онда суға бату сәті түсірілген. Жасөспірім суға батып бара жатқанда, оның жанында тағы үшеуі болды, олар қорқып кетті дейді. Бізде құтқарушы бар, ол жүгірді, бір-екі минут өтті, ол судан шығарылды. Сол жерде болған ата-аналардың бірі дәрігер екен, ол көмек көрсетті. Баланың аузынан көбік ақты, өкінішке орай, олар оны құтқарып ала алмады. Жасөспіріммен не болғанын мәйітті ашу көрсетеді, полиция қызметкерлері бейнежазбаларды тәркіледі, — деді Айбек Хасенов.
БҚО бойынша ТЖД баспасөз қызметі қазіргі уақытта ақпарат жиналып жатқанын хабарлады және оқиғаға кейінірек түсініктеме беруге уәде берді.
БҚО ТЖ департаментінің баспасөз қызметінен мәлім еткеніндей, кеше 8 шілде күні Теректі ауданы Қабылтөбе ауылы тұсында жедел құтқару жасағының күшімен 2008 жылғы жасөспірімнің денесі өзеннен шығарылды. Марқұм киімшең күйінде болған.
«Аталған жасөспірім 6 шілде күні демалыс кезінде белгісіз жағдайда жоғалып кеткен. Өлімнің себебі анықталып жатыр. Полиция департаменті сот-медициналық сараптама тағайындады», — деп хабарлады ведомстводан.
Теректі ауданы ТЖ бөлімінің басшысы Нұрсұлтан Серіковтің нақтылауынша, жасөспірім жазғы демалыс кезінде Ақтау қаласынан осы аудандағы тума-туысқандарына қыдырып келген.
