БҚО-да екі жер қойнауын пайдаланушы жерге мемлекеттік меншік құқығын бұзған
Оларға жалпы сомасы 369 200 теңгеге айыппұл салынды.
БҚО мамандандырылған табиғат қорғау прокуратурасы жер қойнауы және жер қойнауын пайдалану туралы заңнаманың сақталуына талдау жүргізді.
«Талдау барысында жер учаскелерін ресімдемей кең таралған пайдалы қазбаларды өндіру бойынша операцияларды жүзеге асырған екі жер қойнауын пайдаланушы анықталды», — делінген хабарламада.
Осыған байланысты табиғат қорғау прокуратурасы БҚО Жер ресурстарын басқару департаментіне ұсыну енгізді, оны қарау нәтижесінде көрсетілген тұлғалар ӘҚБтК-нің 136-бабы бойынша әкімшілік жауапкершілікке тартылды (жерге мемлекеттік меншік құқығын бұзу); жалпы сомасы 369 200 теңгеге айыппұлдар толығымен өндірілді.
