Халық банкі әйелдерді қорлайтын жарнамасы үшін кешірім сұрады
Әйел мен көліктің бұндай салыстыру қазақстандықтарды ашуландырды.
Халық банкі әйелдерді төмендететін жарнамасы үшін кешірім сұрады, деп хабарлайды Orda.kz.
«Халық банкі ресми парақшамызда жарияланған қате мазмұн үшін кешірім сұрайды. Өкінішке қарай, банк процестеріне қатысатын адамдар санының көп болуына байланысты біз контенттің бұл түрін дер кезінде реттей алмадық» деп жазылған банктің Instagram-дағы ресми парақшасында.
Бір күн бұрын банк жарнамалық видео жариялады, кадрда қыз бен көлік қатар көрсетіліп, сыртқы дауыс арқылы: «Оның сізге дейін қанша иесі болғанын білгіңіз келе ме?» деген сөз айтылады. Бұл ретте көрермен көлікті соңғы секундтарда ғана көреді.
Әйел мен көліктің бұндай салыстыру қазақстандықтарды ашуландырды. Заңгер Жанна Уразбахова әлеуметтік желіде бұл әйелдерді қорлау екенін атап өтті.
«Банктің саясаты әйелдердің құқықтарын бұзуды немесе қадір-қасиетін қорлауды мақұлдамайды. Бұл жағдай біз үшін үлкен сабақ болды және біздің ұжымда мұндай мазмұнды қабылдауға болмайтынын түсінбейтін адамдар бар екенін көрсетті. Сондықтан қоғамдық ұйымдармен тығыз жұмыс жасап, қызметкерлерге гендерлік теңдік бойынша тренингтер санын көбейтіп, маркетингтік тәсілдерді қайта қарастыру туралы шешім қабылданды» деп жауапжазды банк видеоны өшіріп тастағаннан кейін.
