Орал шағын ауданында бір аптаға ыстық су тоқтатылады
Зачаганск кентіндегі судың тоқтатылуы газ құбырларындағы сынақтармен байланысты.
Қала әкімдігі Зачаганск кентінде «Интергаз Орталық Азия» АҚ Орал «МГБ» филиалымен тауарлық газ беруді тоқтата отырып, газ құбырларында сынақтар өткізу жоспарланғанын хабарлады.
Осыған байланысты 5-11 тамыз аралығында кент тұрғындары үшін ыстық сумен жабдықтау тоқтатылады.
Жұмыстар мерзімінен бұрын аяқталған жағдайда, ыстық су беру штаттық режимде қайта басталады, деп нақтылады ведомстводан.
