«Күрделі жол жөндеуге 50 миллион теңге». Шенеуніктерді пара беруге итермелеген қазақстандық қолға түсті
Соттың санкциясымен ол қамауға алынды. Сотқа дейінгі тергеу жалғасып жатыр.
Сыбайлас жемқорлыққа қарсы қызмет 2024 жылдың алғашқы жарты жылдығында алаяқтыққа қатысты 159 қылмыстық істі анықтады, деп хабарлайды «Адырна» ұлттық порталы.
Алаяқтық туралы қылмыстық істен соң 46 адам сотталды. Олар азаматтарды шенеуніктерге пара беруге итермелеп, сыйақы алу үшін түрлі қызметтер ұсынған көрінеді.
«Батыс Қазақстан облысында қазақстандық азамат кәсіпкерден мемлекеттік органдармен мәселені оңай шешіп беретінін айтып, ақша бопсалаған. Ол алаяқтық жасап, облыстық әкімдік қызметкерлерін пара беруге итермеледі деген күдікке ілінді. Ол 50 миллион теңге төлеуді ұсынған. Облыстың тас жолдарына күрделі жөндеу жұмыстарын жүргізуге келісім-шарттың жалпы сомасының 30 пайызын алдын ала төлеу бойынша сот санкциясымен күдікті қамауға алынды», – делінген хабарламада.
Қазір қылмыскерлер соттың санкциясымен қамауға алынды. Сотқа дейінгі тергеу жалғасып жатыр.
