БҚО-да 103 жүргізуші мас күйінде көлік жүргізгені үшін сотталды

Көлік құралын мас күйінде басқарғаны үшін 20 тәулікке қамауға алу және 7 жылға жүргізуші куәлігінен айыру түріндегі әкімшілік жаза көрсетілген.

Батыс Қазақстан облысында жыл басынан бері 103 жүргізуші сотталды. Олар жүргізуші куәлігінен айыру туралы сот шешіміне қарамастан, мас күйінде қайтадан рөлге отырған.

«Мысалы, «И» азаматы мас күйінде көлік жүргізгені үшін алынбаған және өтелмеген соттылығы кезеңінде есірткіні мас күйінде қайта басқарған. Сот отырысында сотталушы өз кінәсін мойындамай, көлік жүргізбегеніне сендіруге тырысты. Алайда мемлекеттік айыптаушының принципті ұстанымы және сотқа ұсынған сотталушының кінәсін дәлелдейтін бұлтартпас дәлелдер (фото және бейнетіркеу) айыптау үкімін шығаруға ықпал етті», – деп хабарлады прокуратура.

Нәтижесінде сот оны кінәлі деп тауып, көлік құралдарын басқару құқығынан өмір бойына айыру және жазасын қылмыстық-атқару жүйесі мекемесінде өтеумен 2 жылға бас бостандығынан айыру туралы үкім шығарды.

Сот үкімі заңды күшіне енген жоқ.       

Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік те қарастырылған. Көлік құралын мас күйінде басқарғаны үшін 20 тәулікке қамауға алу және 7 жылға жүргізуші куәлігінен айыру түріндегі әкімшілік жаза көрсетілген.

ОҚИ ОТЫРЫҢЫЗ: БҚО-да полиция 820 мас жүргізушіні ұстады