Елімізде тағы да ресми петициялар басталды
Қазақстандықтарға арналған петицияларды қабылдаудың ресми платформасы – epetition.kz 2024 жылдың 4 сәуірінен бастап жұмысын бастаған еді.
Ресми платформада екі жаңа петиция іске қосылды, деп хабарлайды Orda.kz epetition.kz порталына сілтеме жасап. Олар МӘМС жүйесі мен автотұрақ айыппұлдарына қатысты.
Хабарламада көрсетілгендей, петицияларды беруге арналған ресми интернет-ресурста келесі өтініштер қоғамдық доменде жарияланды және қосылу үшін қолжетімді:
• МӘМС жүйесіндегі өзгерістерге қатысты.
• Тұрақ ақысын төлеуден жалтарғаны үшін айыппұлды заң жүзінде алып тастау туралы.
Оның біріншісінде бастамашылар міндетті әлеуметтік медициналық сақтандыру бойынша жарналарды бір ғана табыс көзінен төлеушілерге есептеу (ұстап қалу) және аударуды талап етеді.
Сондай-ақ, жеке кәсіпкерлердің тиісті күнтізбелік айда табысы болмаған жағдайда міндетті әлеуметтік медициналық сақтандыру бойынша жарналарды есептеу және аудару жөніндегі міндетін жою ұсынылады.
Екінші петицияда «ҚазАвтоЖол» АҚ-ның ақылы жолдарындағы сияқты тұрақ төлеу механизмін енгізу ұсынылады. Ол алдын ала төлеуді, сондай-ақ төлемге шот-фактура беруді және төлемеген жағдайда хабарлама жіберуді қарастырады.
Естеріңізге сала кетейік, қазақстандықтарға арналған петицияларды қабылдаудың ресми платформасы – epetition.kz 2024 жылдың 4 сәуірінен бастап жұмысын бастады.
Ел бұған дейін екі өтінішті қарап, ақыры қабылданылмай қалды. Олардың бірі – қайта өңдеу ақысын алып тастау ұсынылды. Келесісінде бастамашылар Қазақстанның бұрынғы уақыт белдеуін қайтаруды сұраған болатын.
