БҚО-ның екі ауданында төтенше жағдай жарияланды
Қазір шаруаларға көмекке қаржы бөлінді.
Батыс Қазақстан облысының екі ауданында жергілікті сипаттағы төтенше жағдай жарияланды, деп хабарлайды 24kz.
Жәнібек және Бөкей Ордасы аудандарын қуаңшылық қыспаққа алған, одан бөлек киік қаптап кеткен. Сол себепті мал азығын дайындау қиын. Қазір шаруаларға көмекке қаржы бөлініп, жеке тұрғындарға шөпті шалғайдан тасымалдауға көмек көрсетіліп жатыр. Сонымен қатар «Қазагроқаржы» және «Аграрлық несие корпорациясы» шаруалардың қарызын кейінге шегеру туралы шешім қабылдаған.
Жәнібек ауданында 118, Бөкей Ордасында 175 қожалық лизингке техника алса, қос ауданда 472 ауылшаруашылық құрылымының борыштары бар екен. Әкімдіктер тиісті тізімді қаржы институттарына жолдаған.
«Арыз-талап түскен жағдайда жеке арыз қаралады. Яғни, реструктуризация қаралып, жеңілдік жағын қарап беруге әзірміз. Реструктуризация дегеніміз – биылғы төлемдері болған жағдайда, 2024 жылдың төлемдері әрі қарай шегіндіреді. Графигін, төлем кестесін өзгеретеміз. Сонда қиыншылық болмайды», – дейді «Аграрлық несие корпорациясы» АҚ БҚОФ директоры Марат Сарсеев.
ОҚИ ОТЫРЫҢЫЗ: БҚО фермерлері кездесуге облыс әкімінің келмегеніне наразы
БҚО аудандарында тағы да төтенше жағдай жарияланбақ. Бұл жолы не себеп
Оралдағы киік миграциясын Ресейге өткізу үшін шекара қоршауын ашқан маңызды
БҚО-ның төрт оңтүстік ауданында ТЖ режимін жариялауды талап еткен петиция E-Petition-да пайда болды
