Оралдағы № 3 КСС 753 млн теңгеге жаңғыртылды

Станцияның жобалық қуаты — сағатына 1500 текше метр.

Орал әкімдігінің баспасөз қызметінің мәліметінше, Конституция күніне орай қалада бірнеше маңызды нысандар, соның ішінде №3 кәріз-сорғы станциясы пайдалануға берілген.

Станцияның жобалық қуаты — сағатына 1500 текше метр. Нысанды жаңғырту қаланың орталық бөлігінде кәріз жүйесінің жұмысын реттеуге мүмкіндік береді, ал бұл 150 мың абонент пен бірнеше әлеуметтік нысан. Жоба сомасы-753 млн теңге.

Облыс әкімі Нариман Төреғалиев нысанды іске қосу рәсіміне қатысты.

— Бұл кәріз және сорғы станциясы 1967 жылы салынған және модернизация кезінде толығымен тозған. Нысанды жаңартуға республикалық бюджеттен қаражат бөлінді. Осындай жұмыс Оралдағы №2 кәріз-сорғы станциясында да жүргізілуде. Ол жыл соңына дейін пайдалануға беріледі. Осылайша, жыл сайын кәріз және сорғы станцияларын жаңартып, біз қаладағы кәріз жүйесін қалыпқа келтіреміз. Бұл «БатысСуАрнасы» қызметкерлерінің қауіпсіздігіне оң әсер етеді. Біз сондай-ақ кәріз — сорғы станцияларының жанында жағымсыз иістен арыламыз, — деді өңір басшысы.

Нариман Төреғалиев мердігер-«KCG» ЖШС ұжымына №3 КСС қайта құру бойынша сапалы орындалған жұмысы үшін алғысын білдірді.