БҚО-да жол апатынан кейін автокөлік салонында ер адам жанып кетті
Сондай-ақ оқиға орнында «Subaru» автокөлігінде отырған жолаушы көз жұмды.
Қайғылы оқиға бірінші қыркүйекте сағат 13:20-да Бөрлі-Ақсай-Жымпиты автожолында болды. БҚО полиция департаментінің баспасөз қызметінің мәліметінше, 23 шақырым жерде екі көліктің соқтығысуы орын алған.
– Алдын ала Volkswagen Passat жүргізушісі басып озып, қарсы қозғалыс жолағына шығып, бетпе-бет Subaru – мен соқтығысқан, – деп нақтылады полиция.
Апаттан кейін Volkswagen көлігі өртеніп кетті. Салонда жүргізуші болды, ол да өртеніп кетті. Сонымен қатар, апат орнында Subaru жолаушысы қайтыс болды.
Жүргізуші және әртүрлі жарақаттары бар үш Subaru жолаушысы ауруханаға жатқызылды. ЖКО фактісі бойынша сотқа дейінгі тергеу жүргізілуде.
БҚО денсаулық сақтау басқармасының баспасөз қызметі ақпаратты кейін беретінін жеткізді.
