Қарашығанақта маңызды қондырғы іске қосылды

Ол мерзімнен бұрын іске қосылып отыр.

Қарашығанақ кен орнында газды кері айдаудың бесінші компрессоры іске қосылды, деп хабарлайды Энергетика министрлігі.

Аталған маңызды жоба кен орны инфрақұрылымын жаңғырту мен кеңейтудің жалғасы болып саналады.

«Мұнай және газ өндіру бойынша әлемдегі ең ірі кен орындарының бірі Қарашығанақ елдің энергетика саласында шешуші рөл атқарады. Жаңа компрессорды пайдалануға беру газды қабатқа қайта айдау көлемін ұлғайтуға мүмкіндік береді. Өндіру деңгейін ұстап тұруға және кен орны жұмысының тиімділігін арттыруға ықпал етеді», – делінген ресми хабарламада.

Бесінші компрессор мерзімнен бұрын іске қосылып отыр.

КПО Бас директоры Марко Марсили өз сөзінде Қарашығанақ кен орнын кеңейту жобасы сәтті іске асып келе жатқанын атап өтті. 

«Іске асырылған жоба – ҚПО ұжымының қарқынды жұмысының нәтижесі. Бұл жұмыстардың бәрі Қазақстан Республикасының Үкіметімен және біздің акционерлік компаниялармен тығыз ынтымақтастықтың арқасында мүмкін болды. Баршаңыздың қолдауларыңыз арқылы біз ПРК-1A жобасын қауіпсіз және тиімді жүзеге асыра алдық», деді КПО Бас директоры Марко Марсили.