Ресейден Қазақстанға 8 вагон бидай кіргізбек болғандардың жолы кесілді
2024 жылдың 11-12 қыркүйегінде Батыс Қазақстан облысының Темір жол фитосанитариялық бақылау бекетінде 8 вагон бидай табылып, Ресей Федерациясына қайтарылды.
Батыс Қазақстан облысында 8 вагон Ресей астығын елімізге кіргізбек болғандардың жолы кесілді. Ішкі нарықты қорғау мақсатында елімізге сырттан астық кіргізуге тыйым салынған.
«2024 жылдың 11-12 қыркүйегінде Батыс Қазақстан облысының Темір жол фитосанитариялық бақылау бекетінде 8 вагон бидай табылып, Ресей Федерациясына қайтарылды. 526 тонна Саратов және Тула облыстарынан Шымкент қаласына жеткізілді. Бұл жұмысты өсімдіктер карантині жөніндегі мемлекеттік инспекторлар ҚР ҰҚК ШҚД «Жайық» шекаралық бақылау бөлімшесінің әскери қызметшілерімен бірлесіп жүргізеді», делінген ҚР АШМ хабарламасында.
Естеріңізге сала кетейік, ішкі нарықты қорғау және Астықты кері экспорттау фактілерін болдырмау үшін 2024 жылғы 26 шілдеде сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссияның отырысында транзитті қоспағанда, үшінші елдерден және ЕАЭО елдерінен Қазақстан аумағына көліктің барлық түрлерімен бидайды әкелуге тыйым салуды енгізу туралы шешім қабылданды.
ОҚИ ОТЫРЫҢЫЗ: БҚО аумақтық инспекция инспекторлары 251 тонна бидайды кері қайтарды
