Михаил Ломтадзе Kazakhstan Growth Forum нұсқасы бойынша тағы да үздік CEO атанды

19 қыркүйекте жыл сайынғы Kazakhstan Growth Forum-да жылдың үздік жетекшілерінің есімдері жарияланды.

Kaspi.kz-тің басшысы әрі негізін қалаушылардың бірі Михаил Ломтадзе алтыншы рет «Жылдың ең үздік CEO» атанды:
«Біз қазылар алқасына жоғары баға бергені үшін алғысымызды білдіреміз. Бұл бүкіл командамыздың қажырлы жұмысының нәтижесі. Біз заманауи сервистердің көмегімен адамдардың өмірін жақсартуға ұмтыламыз және Қазақстанда өмір сүріп, жұмыс істеп жатқанымызды мақтан тұтамыз. Алдағы уақытта да қазақстандықтарды ең заманауи жаңа сандық қызметтермен таңғалдырып, қуантуға тырысамыз. Сүйікті клиенттеріміз бен серіктестерімізге бізге сенім артып, қолдау көрсеткені үшін, ал мемлекеттік органдарға еліміздің цифрлық дамуы үшін қолайлы орта жасағаны үшін алғыс айтамыз».

Жыл сайын ең үздік басшыларды Kazakhstan Growth Forum сарапшылар кеңесі анықтайды. Кеңес құрамына Елдар Әбдіразақов (Kazakhstan Growth Forum), Маржан Меланич (Kazakhstan Growth Forum), Сәкен Жұмашев (KPMG), Елена Бахмутова (Қазақстан қаржыгерлері қауымдастығының кеңесі), Ерлан Досымбеков (EY), Екатерина Бенджамин (IFC), Дана Іңкәрбекова (PwC), Дина Урастаева (Qazaq Independent Directors), Дулатбек Икбаев (McKinsey&Company), Ораз Жандосов (РАКУРС), Ержан Досымбеков (Grant Thornton), Алина Алдамберген (KASE), Андрей Беклемишев (IDC) кіреді.

Жыл сайын жеңімпаздар экономиканың әртүрлі саласынан ұсынылған 500 қазақстандық үздік компанияның ішінен таңдалады.