БҚО соты бастауыш сынып мұғалімін аяусыз өлтірген айыпталушыны 12 жылға бас бостандығынан айырды
Бүгін, 26 қыркүйекте БҚО Мамандандырылған ауданаралық қылмыстық сотында 41 жастағы сотталушы Темір Сәрсеновтың үкімі жарияланды. Оған ҚР ҚК — нің 99 — бабы — «Кісі өлтіру, яғни басқа адамға заңсыз қасақана өлім жасау», ҚР ҚК-нің 188-бабы – «Ұрлық» және ҚР ҚК-нің 287-бабы – «Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру» бойынша айып тағылды.
Үкімді судья Асланбек Дүйсенғалиев оқыды.
— ҚР ҚІЖК-нің 387,393,395, 398,401-баптарын басшылыққа ала отырып, – сот Темір Сәрсеновты өзіне тағылған айыптар үшін кінәлі деп тануға және айыптау баптарының жиынтығы бойынша сотталушыға орташа қауіпсіздік колониясында 12 жыл бас бостандығынан айыру жазасын тағайындауға үкім шығарды. Қайтыс болған адамның қызы Кристина Мишинаның 1 миллион 800 мың теңге сомасындағы материалдық зиян туралы талабы толығымен қанағаттандырылсын. 20 миллион теңге сомасындағы моральдық талап ішінара, 10 миллион теңге сомасында қанағаттандырылсын. Жәбірленуші тараптың барлық өкілдік шығындарын Темір Сәрсеновтен өндіріп алынсын, – деп оқыды судья.
Асланбек Дүйсенғалиевтің айтуынша, – сотталушы сот процесінде өзінің кінәсін мойындамаған, алайда оның кінәсі сотта толық дәлелденген.
Қайтыс болған Надежда Никитинаның қызы сот үкімімен келіспейді.
– Мұндай қатыгез қылмыс үшін, үкім — 12 жыл осындай үкіммен бізде адам өлтіруге болады екен, 12 жыл берді, 6 жылдан соң шығып кетеді,- деді көз жасын әрең ұстай отырып Кристина Мишина.
Естеріңізге сала кетейік, сот талқылауы судья Асланбек Дүйсенғалиевтің төрағалығымен өтті. Айыптау жағы-прокурор, Жандос ДЖУБАНОВ. Зардап шеккен Надежда Никитинаның қызы Кристина МИШИНАНЫҢ адвокаты – Ринат МҰҚИЕВ. Сотталушыны қорғауды адвокат Эльвира ИШМУРАТОВА ұсынды.
Қылмыстық іс материалдарынан 24 сәуірде Никитина Сәрсеновке компьютерден көмек сұрағаны шығады. Ол келді, бірақ келесі күні оралуға уәде беріп, жұмысты аяқтамады. 25 сәуірде Сәрсенов ноутбукпен келді және Никитина ас үйде оқушымен бірге болған кезде жатын бөлмесінде компьютерді жөндей бастады. Сабаққа дайындықтан кейін олар ұрысып қалды. Сарсенов Никитинаны диванға құлатып, оны тұншықтырып өлтірді. Әйел өлмеді деп ойлап, ол қайтыс болған адамның мойнына пышақ сұғып, содан кейін әйелден алтын зергерлік бұйымдарды алып кетеді.
Айыптаушы тарап соттан сотталушыны 12 жылға бас бостандығынан айыруды сұрады.
Сотталушы өзіне тағылған айыптан өз кінәсін ҚР ҚК 287-бабы бойынша ғана мойындады.
Үкім заңды күшіне енген жоқ және заңда белгіленген мерзімде шағымдануға болады.
Мария ДРАЧЕВА
