БҚО полициясына шетелдік көлікті заңсыз тіркегені үшін айыппұл салынды
Мемлекеттік орган 100 мың теңге моральдық өтемақы төлеуге тиіс.
БҚО сотының баспасөз қызметінен хабарлағандай, 2020 жылы талапкер мен басқа азамат арасында Toyota Сamry сатып алу-сату шарты жасалған. Алайда, соттың 2023 жылғы шешімі бойынша даулы автокөлікке нөмірлерді алғашқы тіркеу заңсыз деп танылды. Автокөлікті автоинспекторлар тіркеді.
– Талапкер осы талапқа жүгініп, ҚР аумағына әкелінген автокөлікті заңсыз тіркеу салдарынан полиция департаменті оның адал сатып алушы ретіндегі құқығын бұзғандығына өз талаптарын негіздеді. Алайда, жауапкер Мемлекеттік орган атынан осы мәмілеге материалдық мүддесі жоқ және материалдық игіліктер алмағандықтан, материалдық залал келтіру фактісі өз растауын таппады, – деп хабарлады облыстық сотта.
Моральдық зиянға келетін болсақ, сот талаптарды ішінара қанағаттандыруға және моральдық зиянды өтеу ретінде 100 мың теңге өндіріп алуға шешім қабылдады, өйткені талапкердің мүліктік емес құқықтарының бұзылуына әкеп соқтырған заңсыздық БҚО Мамандандырылған ауданаралық әкімшілік сот шешімімен расталды.
Шешім заңды күшіне енген жоқ.
