Оралдағы жылу үшін тұтынушылар 314 миллион теңгеден астам қарыз
«ЖайықЖылуҚуат» ЖШС Бас директоры Бақытжан АКИМГУЖИН журналистермен брифинг барысында өндірістік-техникалық бөлімде қала қыс мезгіліне дайындалып жатқанда, кәсіпорынның өткізу бөлімінде өткен жылыту маусымы үшін тұрғындардан қарыздарды өндіріп алу бойынша жұмыстар жүргізіліп жатқанын хабарлады.
Бақытжан Акимгужиннің айтуынша, бүгінде тұтынушылардың пайдаланылған жылу энергиясы үшін берешегі небәрі 314,35 млн теңгені құрайды.
– Жалпы сомадан бюджеттік ұйымдардың берешегі 4,11 млн теңгені, халықтың борышы – 296,65 млн теңгені және басқа да тұтынушылардың қарызы – 3,59 млн теңгені құрайды. Өткізу бөлімі берешекті өндіріп алу бойынша жұмыс жүргізеді. Мәселен, нотариусқа 153,8 млн теңге сомасына талап арыздар жіберілді. Жеке сот орындаушыларында 156,2 млн теңге сомасына 3 659 атқару парағы бар. Бұдан басқа, мәжбүрлеп орындау шаралары қабылданды: борышкерлерде жылу үшін 58,3 млн теңгеге жылжымайтын мүлік қамауға алынды; автокөлік қамауға алынды-1,71 млн теңгеге; 281 борышкерден шығуға шектеу енгізілді; табыстан 23,9 млн теңге ұсталды; 41,5 млн теңге сомаға банктік шоттар мен карталарға тыйым салынды, – деп хабарлады Бақытжан Акимгужин.
«ЖайықЖылуҚуат» ЖШС Бас директоры кәсіпорын 1215 тұрғын үйді жылу энергиясымен қамтамасыз ететінін, оның ішінде 644 үй ПИК және БК (басқарушы компаниялар) қызмет көрсетуде, 336 үй – басқару нысанынсыз (иесіз), 103 үйде мүлік иелері бірлестігі (МИБ), 106 үйде қарапайым серіктестік (ҚС), 26 жеке үй.
— Барлық тұрғын үйлерде престеу жұмыстары және ішкі жылыту жүйелерін жуу жұмыстары жүргізілді. Жылыту маусымына дайындық паспорттары берілді. Кәсіпорын 300-ден астам заң ұйымдарын жылумен қамтамасыз етеді, оның ішінде 42 балабақша, 38 оқу орны, 47 мектеп, 35 денсаулық сақтау нысаны, 5 әлеуметтік қорғау нысаны, 24 мәдениет нысаны. Барлық қызмет көрсететін кәсіпорындар жылыту маусымына дайын, – деді «ЖайықЖылуҚуат»ЖШС Бас директоры.
Бақытжан Акимгужин кәсіпорында жылыту кезеңінде болуы мүмкін авариялық жағдайларды жою үшін қызметтер дайындалғанын айтты.
— Авариялық қызметтер тәулік бойы жұмыс істейді. Апаттық-диспетчерлік қызметке (12 адам) телефон нөмірі бойынша қоңырау шалуға болады: 109 және 24-04-08. ЖЭО аумағында көшпелі техникасы бар өрт сөндіру бөлімі орналасқан. Сонымен қатар, арнайы инженерлік техника дайындалды: 5 вакуумдық машина, 4 экскаватор, 2 МТЗ-80 тракторы, 2 «КамАЗ» самосвалы, 2 «МАЗ» самосвалы, 3 автокран, — деді Бас директор.
Ол тұрғын үйлерге жылу беру ауа температурасы 3 тәулік ішінде +8 С және одан төмен төмендеген кезде басталатынын айтты.
— Мұндай температурада «Тұрғын үй қорының 2024-2025 жылыту маусымының басталуы» туралы бұйрық шығарылады. Қазіргі уақытта ауа температурасының мониторингі басталды, – деп қорытындылады Бақытжан Акимгужин.
Мария ДРАЧЕВА
