Оралда осы демалыс күндері кезекті ауыл шаруашылығы жәрмеңкесі өтеді

Жәрмеңкеде ет өнімдері болмайды.

Орал әкімдігінің хабарлауынша, 9:00-ден 13: 00-ге дейін ауыл шаруашылығы жәрмеңкелері өтеді.

Жәрмеңке екі мекен-жай бойынша өтеді:

12 қазан-Ихсанов көшесінде;

13 қазан-Зачаганск кентінде, Жәңгірхан көшесі, 52Б («Жәңгір хан»СҮ алаңы).

– Ауаның жоғары температурасына байланысты ет өнімдерін (балық, тауық, басқа да ет өнімдерін) сатуға рұқсат етілмейді, – деп атап өтті қалалық әкімдікте.

Алайда, бүгін, 11 қазанда, таңертең термометрлер минус екі градусқа дейін төмендеді. Ал келесі аптада Орал қаласында жылу беруге дайындалып жатыр.

Қала билігі жәрмеңкеге барлық ниет білдірушілерді: кәсіпкерлерді, ауыл шаруашылығы тауарын өндірушілер мен тұрғындарды шақырады.