БҚО-да туберкулез ауруы төмендеген

Аурудың асқынған жағдайы тіркелмеген.

БҚО санитарлық-эпидемиологиялық бақылау департаменті басшысының орынбасары Нұрлыбек Мұстаев облыста жыл басынан бері белсенді туберкулездің 230 жағдайы тіркелгенін айтады. Өткен жылдың осындай кезеңінде 237 батыс қазақстандыққа осындай диагноз қойылды. Жасөспірімдер арасында туберкулезбен сырқаттанушылық 36,6% — ға төмендеді. Туберкулезден болатын өлім-жітім де төмендеді.

— Туберкулездің асқынған жағдайлары тіркелген жоқ, — деп атап өтті Мұстаев.

Туберкулездің алдын алудың негізгі шаралары:

Туберкулезге қарсы жаңа туған нәрестелерге БЦЖ вакцинасын жүргізу (перзентханада туғаннан кейін 2-4 тәулікте);

Флюорографиялық тексеруден жылына 1 рет өту және балаларды Манту реакциясына тексеру.

Жеке гигиена ережелерін сақтау және салауатты өмір салтын ұстану.