Қазақстан Ресеймен +7 телефон кодын бірлесіп пайдалану туралы келісімді мақұлдады
Қазақстан Ресеймен +7 телефон кодын бірлесіп пайдалану туралы келісімді мақұлдады, деп хабарлады агенттік тілшісі.
«Қоса беріліп отырған Қазақстан Республикасының Үкіметі мен Ресей Федерациясының Үкіметі арасындағы дүниежүзілік нөмірлеудің 7-ші аймағының нөмірлеуін бірлесіп пайдалану туралы келісімнің жобасы мақұлдансын», — делінген Қазақстан минкабинеті қаулысында.
Құжатқа сәйкес, Ресей Федерациясының айрықша пайдалануындағы кодтар диапазоны: 200 – 299, 300 – 399, 400 – 499, 500 – 599, 810 — 818, 820 — 821, 831, 833 — 836, 840- 848, 850 — 851, 855 — 857, 860 — 863, 865 — 867, 869 и 871 — 873, 877- 880, 900 – 999.
Қазақстан Республикасының айрықша пайдалануындағы кодтар диапазоны: 000 – 099, 600 – 699 және 700 – 799.
Қазақстан Республикасы мен Ресей Федерациясының бірлесіп пайдалануындағы кодтар диапазоны: 100 – 199, 800 – 809 и 881 – 899.
«Нөмірлеу кодтарының диапазондарын бірлесіп пайдалану кезінде Тараптар: 1) нөмірлеу кодтарының бірлесіп пайдаланылатын диапазонында кодтарды өз мемлекеттерінің заңнамасына сәйкес өздері белгілейді; 2) нөмірлеу кодтарының көрсетілген диапазонындағы нөмірлеуді өз мемлекеттерінің телефон желілерінде ғана пайдаланады. Үлестірілмеген кодтар ресурсы (26 код — 819, 822 — 829, 830, 832, 837 — 839, 849, 852 — 854, 858 — 859, 864, 868, 870, 864) ортақ резервке бекітіледі. Үлестірілмеген кодтар ресурсын резервтен шығару және одан кейінгі үлестіру Тараптардың өзара келісімі бойынша жүзеге асырылады, Қазақстан Республикасының Үкіметі мен Ресей Федерациясының Үкіметі арасындағы дүниежүзілік нөмірлеудің 7-ші аймағының нөмірлеуін бірлесіп пайдалану туралы келісімге жеке хаттамалармен ресімделеді, олар осы Келісімнің ажырамас бөліктері болып табылады», — делінген құжаттың ескертуінде.
