Денсаулық сақтау министрлігі: елімізде медицина қызметкерлері тапшы

Ауылдық елді мекендерде медицина қызметкерлеріне ең көп сұраныс  тудырған Ақмола облысы – 116 дәрігер, Түркістан облысы – 135 дәрігер болса, Батыс Қазақстанға 89 дәрігер қажет.

Елімізде 306 анестезиолог-реаниматолог, 210 хирург, 112 офтальмолог, 253 акушер-гинеколог, 87 неонатолог жетіспейді, деп хабарлайды Orda.kz Денсаулық сақтау министрлігіне сілтеме жасап.

Дәрігерлердің ең көп жетіспеушілігі елордада, Астанаға 702 дәрігер қажет. Алматыға 497, Шымкентке 234 дәрігер қажет.

Ауылдық елді мекендерде медицина қызметкерлеріне ең көп сұраныс  тудырған Ақмола облысы – 116 дәрігер, Түркістан облысы – 135 дәрігер болса, Батыс Қазақстанға 89 дәрігер қажет.

ҚР Денсаулық сақтау бірінші вице-министрі Тимур Сұлтанғазиев Сенаттың Абай ауданында өткен көшпелі отырысында медицина институтын бітірген түлектердің үштен бір бөлігі өз мамандығы бойынша жұмысқа келмейтінін айтты. Олар жеке медициналық ұйымдарын таңдайды.

Жағдайды өзгерту үшін Денсаулық сақтау министрлігі жас мамандарды жұмысқа жіберу талаптарын қолға алуды ұсынып отыр.

Сонымен қатар, Денсаулық сақтау министрлігі кадрларды жергілікті жерлерде ұстау және ауылдық жерлерде медициналық тәжірибенің беделін арттыру үшін қосымша ынталандыру шараларының тұтас кешенін ұсынбақ.