БҚО-да мердігерден ақша өндіріп алынды
Мердігерден мемлекет пайдасына 8 млн теңгеден астам және 1 млн 700 мың теңге сомасында тұрақсыздық айыбы өндірілді.
Батыс Қазақстан облысы Ақжайық ауданының прокуратурасымен мектепті жөндеу мерзімінің бұзылуы анықталды,- деп хабарлайды БҚО прокуратурасының баспасөз орталығы.
Мердігер тарапынан міндеттемелерді орындамауына байланысты прокуратураның ұсынуы бойынша білім беру бөлімі сотқа өндіріп алу туралы талап-арызбен жүгінді.
Сот талап-арызды қанағаттандырып, мердігерден мемлекет пайдасына 8 млн теңгеден астам және 1 млн 700 мың теңге сомасында тұрақсыздық айыбы өндірілді.
Осы және басқа да бұзушылықтар білім беру ұйымдарындағы тексеру нәтижелері бойынша жойылды.
Бұдан бөлек прокуратураның қадағалау актісі бойынша 2 мыңнан астам маман міндетті медициналық тексеруден өтті.
Сондай-ақ қауіпсіздік мәселелерімен байланысты бірқатар мәселелер шешілді: балабақшалардағы бейнебақылау камералары мен ойын алаңдары жөнделді, ғимаратты жылытуға арналған жабдықтар сатып алынды, 4 балабақшаның пандустары жөнделді және 5 мектепте пандустарды жөндеуге қаражат бөлу мәселесі шешілуде.
Кінәлі лауазымды тұлғалардың жауапкершілігі туралы мәселе қаралуда.
