БҚО-да онкодиспансердің басшылығы онкологиялық науқастардың құқықтарын бұзғаны үшін жазаланды
Онкологиялық аурулармен ауыратын адамдар мүгедектікті рәсімдеу мүмкіндігінен айырылды және кепілдендірілген әлеуметтік жәрдемақы алмады. Емдеуші дәрігерлер олардың мүгедектігін, еңбек ету қабілетінен айрылу дәрежесін белгілеу және әлеуметтік қорғаудың қажетті шараларын айқындау жөніндегі мәселелерге дұрыс қарамаған.
Онкологиялық аурулары бар азаматтардың құқықтарының сақталуын талдаған облыс прокуратурасы онкодиспансердің басшылығына олар жіберген бұзушылықтар фактілерін көрсете отырып акт жазды. Әлеуметтік жәрдемақысыз қалған жеті пациентке қазір оларды медициналық-әлеуметтік сараптамаға жіберу және мүгедектік белгілеу үшін құжаттар дайындалуда.
Жіберілген бұзушылықтар үшін «Облыстық онкологиялық диспансер»ШЖҚ МКК бөлімшесінің меңгерушісі тәртіптік жауапкершілікке тартылды.
