БҚО-да автожолдың екі учаскесін күрделі жөндеуге Т7,5 млрд-қа жуық жұмсамақ

Мердігер ұйым апта сайын тапсырыс берушіге жұмыс туралы есептерді фотобейне материалдар түрінде ұсынуға міндетті.

Батыс Қазақстан облысында аудандық автожолды және бір ауылға кіретін жолды күрделі жөндеуге Т7,5 млрд-қа жуық жұмсамақ, деп хабарлайды агенттіктің тілшісі.

«Тапсырыс беруші – «Батыс Қазақстан облысы Казталов ауданының тұрғын үй — коммуналдық шаруашылық жолаушылар көлігі және автомобильдер жолдары бөлімі» мемлекеттік мекемесі; атауы — работы по капитальному ремонту автомобильной дороги («күрделі жол жөндеу жұмыстары», қазақ тіліндегі хабарландыруда лоттың атауы орыс тілінде жазылған – ҚазТАГ); қосымша сипаттамасы — «Беспішен-Қошанкөл-Қараоба» аудандық маңызы бар 49-64 км және БҚО Казталов ауданының 0-18 км (33 км) Еңбек ауылына кіретін жолды күрделі жөндеу»; саны — бір; өлшем бірлік — жұмыс; жоспарлы сома — Т7 482 844 986», — деп мемлекеттік сатып алу порталындағы лот сипаттамасында айтылған.

Конкурсқа өтінімдерді қабылдау мерзімі 15 қарашада басталып, 2 желтоқсанға дейін жалғасатын болады.

«Жұмыстар жобалау-сметалық құжаттамаға сәйкес орындалуы тиіс. Тапсырыс берушінің заңды мекенжайы орналасқан жерінен тыс орналасқан мердігерге, мердігер функцияларын жүзеге асыратын және заңды тұлға берген сенімхат негізінде барлық іс-әрекеттерді жүзеге асыратын Батыс Қазақстан облысында филиал (өкілдік) құру қажет. Мердігер ұйым апта сайын тапсырыс берушіге жұмыс туралы есептерді фотобейне материалдар түрінде ұсынуға міндетті. Нысан аяқталғаннан кейін мердігер ұйым «дейін және кейін» бейне материалын ұсынуға міндетті», — деп сатып алынатын жұмыстың техникалық ерекшелігінде жазылған.