Батыс Қазақстан облысында орман қорының жер учаскелері елді мекенге беріледі
Қазақстан Үкіметі «Орман қоры жерлерінің жекелеген учаскелерін басқа санаттағы жерлерге ауыстыру туралы»2024 жылғы 18 қарашадағы қаулыны қабылдады.
«Батыс Қазақстан облысы әкімдігі табиғи ресурстар және табиғат пайдалануды реттеу басқармасының Орман және жануарлар дүниесін қорғау жөніндегі Ақжайық коммуналдық мемлекеттік мекемесінің орман қоры жерлерінің санатынан жалпы ауданы 30,7 гектар жер учаскелері елді мекендер жерлерінің санатына ауыстырылсын»,-делінген құжатта.
Қаулыдан көрініп тұрғандай, біз орманмен қамтылмаған 30,7 гектар жер туралы айтып отырмыз.
Батыс Қазақстан облысының әкіміне елді мекеннің шекарасының (шегінің) өзгеруіне байланысты Сырым ауданының әкімдігіне аталған жер учаскелерін беруді қамтамасыз ету тапсырылды.
Өз кезегінде Батыс Қазақстан облысы Сырым ауданының әкімдігі орман алқаптарын орман шаруашылығын жүргізуге байланысты емес мақсаттарда пайдалану үшін алып қоюдан туындаған орман шаруашылығы өндірісінің жойылуы мен шығындарын республикалық бюджет кірісіне өтеуі қажет болады.
Қаулы қол қойылған күнінен бастап қолданысқа енгізіледі.
