Жалған дипломдар мен сыйлықтар: Антикор БҚО-да тексеру ұйымдастырады
Дипломдарды қолдан жасау, «Өлі жандардың» болуы және негізсіз сыйлықақылар мәселелеріне ерекше назар аударылатын болады.
БҚО бойынша сыбайлас жемқорлыққа қарсы қызмет облыста 2020-2024 жылдар кезеңінде туризм саласындағы сыбайлас жемқорлық тәуекелдеріне сыртқы талдау басталғанын хабарлады. Мұндай талдау сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және жою үшін жүргізіледі.
Қазақстан Республикасы Сыбайлас жемқорлыққа қарсы іс-қимыл Агенттігінің Батыс Қазақстан облысы бойынша департаменті 2020-2024 жылдар кезеңінде туризм саласындағы жемқорлық тәуекелдеріне сыртқы талдауды бастады.
«Сыбайлас жемқорлыққа қарсы іс-қимыл туралы» Заңның 8-бабына сәйкес сыбайлас жемқорлық тәуекелдерін талдау сыбайлас жемқорлық құқық бұзушылықтар жасауға ықпал ететін себептер мен жағдайларды анықтау және жою мақсатында жүргізіледі.
Талдау барысында келесі бағыттар зерделенеді:
- туристік қызметтер нарығы;
- туризм инфрақұрылымы;
- мемлекеттік сатып алу;
- инвестициялық жобаларды іске асыру;
- мемлекеттік қолдау шаралары;
- туроператорлық қызметті лицензиялау;
- туристік ақпараттық орталықтар;
- жалған диплом, «өлі жандар», негізсіз сыйлықтар.
Дипломдарды қолдан жасау, «Өлі жандардың» болуы және негізсіз сыйлықақылар мәселелеріне ерекше назар аударылатын болады.
Көрсетілген сала бойынша ұсыныстар мен пікірлер енгізу үшін: электрондық пошта anticorruptionzko@mail.ru, байланыс телефоны: 8 (7112) 98-47-70, мекен-жайымыз: Орал қ., Құрманғазы к-сі, 89/1.
