БҚО-да борышкер алимент төлемегені үшін қамауға алынды
2024 жылғы 15 қарашада БҚО Байтерек ауданының соты алимент бойынша қасақана төлемей жүрген борышкерді ҚР Әкімшілік құқық бұзушылықтар туралы кодексінің 669-бабына сәйкес кінәлі деп тану және 5 күнге қамауға алу туралы шешім шығарды.
Борышкер 2021 жылдың 29 сәуірінен бастап алимент төлемеген, салдарынан 1 178 558 теңге көлеміндегі қарызы жиналған.
Жалпы, биылғы жылы облыс прокуратурасының «Алимент бойынша 10 қадам» жобасын жүзеге асыру және қабылданған шаралардың нәтижесінде облыс бойынша алимент борышы 2,4 миллиардтан 1,4 миллиард теңгеге дейін азайған.
487 миллион теңге сомасындағы алименттік қарыздар өтелді.
Уәкілетті органдар арасында өзара тиісті әрекеттесуге қол жеткізілді. 451 борышкер жұмыспен қамтылды, 598 борышкер жұмыспен қамту органдарында тіркелді.
Борышкерлердің 5 жылжымайтын мүліктегі үлестері (3 пәтер, жер учаскесі, тұрғын үйдегі үлестері) сатылып, 75,5 миллион теңге көлеміндегі қарыз есебіне өндіріп алушыларға берілді.
Борышкерлерді бәс тігушілер ретінде тіркеудің 7 фактісі анықталды.
Олар бойынша алимент төлеу міндетінен жалтарғаны үшін Қазақстан Республикасы Қылмыстық кодексінің 139-бабына сәйкес қылмыстық істер тіркелді (Балаларды асырау үшін қаражат төлеу бойынша міндеттемелерді орындамау, мүгедек ата-ананы, мүгедек жұбайын асырауға қаражат төлеуден жалтару).
114,2 миллион теңге көлемінде ломбардтарда зергерлік бұйымдарды сатумен айналысқан 281 борышкер анықталды.
165 борышкер әкімшілік жауапкершілікке тартылды.
Қазақстан Республикасы Қылмыстық кодексінің 139-бабына сәйкес 37 қасақана борышкерлерге қатысты 37 материал тіркелген.
Оның ішінде 4 іс бойынша үкім шығарылды.
Осы бағыттағы жұмыс жалғасуда.
