БҚО-да жаңа жылға 28 млн теңге жұмсамақ
Сонымен қатар, шырша мен декорация былтырғы жылғы қолданылады.
2024 жылы Жаңа жылды мерекелеуге Орал мен облыс аудандарының бюджетінен 28 миллион теңге бөлінді, деп хабарлады облыс әкімдігінің баспасөз қызметі.
Орал қаласында Тұңғыш Президент алаңында, қалалық мәдениет және демалыс саябағында, «Лепесток» саябағында, сондай-ақ Круглоозерный, Деркөл, Зачаганск кенттерінде (Мөңкеұлы көшесінде) және облыстың 12 аудан орталығында мерекелік шыршалар орнатылады. Қаланы безендіру үшін бұрын сатып алынған жаңа жылдық декорациялар пайдаланылады, ал жаңа шыршалар мен атрибуттар сатып алуды жоспарламайды.
Облыс тұрғындары мен қонақтарын Президенттік шырша, мүмкіндігі шектеулі балаларға және аз қамтылған отбасыларға арналған БАҒДАРЛАМАЛАР, сондай-ақ басқа да жаңа жылдық іс-шаралар күтеді.
