БҚО тұрғындары назарына: Сақ болыңыздар!

«Қазавтожол»бірнеше өңірде ауа-райының нашарлауы туралы ескертті.

«ҚазАвтоЖол» ақпараты бойынша, Атырау, Батыс Қазақстан және Маңғыстау облыстарында кей жерлерде жаңбыр жауады. Солтүстік Қазақстан және Шығыс Қазақстан облыстарының кей жерлерінде қар жауады деп күтілуде, бұл сондай-ақ көктайғақтың пайда болуы мен көрінудің нашарлауын қоса алғанда, қозғалыс үшін күрделі жағдайлар туғызуы мүмкін.

Мұндай ауа-райы жағдайлары жолдарда көрінудің нашарлауына, доңғалақтардың жол жамылғысымен байланысының төмендеуіне және тежеу жолының ұлғаюына әкелуі мүмкін. Жүргізушілер ерекше мұқият болуы керек және қауіпсіз қашықтықты сақтауы керек.

Жүргізушілерді қауіпсіздіктің барлық ережелерін сақтауға, жылдамдықты асырмауға және нашар көрінетін жағдайда жарық құралдарын қолдануға шақырады. 1403 байланыс орталығына қоңырау шалу арқылы тәуліктің кез келген уақытында қосымша ақпарат алуға болады.

«Қазгидромет» Батыс Қазақстан облысында – қар аралас жаңбыр, таңертең тұман мен көктайғақ күтілетінін хабарлады. Күндіз ауа температурасы -3-тен +2 градусқа дейін өзгереді. Түнде температура -5 -10 дейін, облыстың шығысында -13 градусқа дейін төмендейді. Жел оңтүстік-шығыстан болады, жылдамдығы секундына 9-14 метр, Облыстың батысы мен оңтүстігінде секундына 15-20 метрге дейін екпінді жел болуы мүмкін.