Оралда көше-жол желісін күтіп ұстауға Т5,3 млрд жұмсамақ
Бұл қаржыға 2025-2026 жылғы көше-жол желісін күтіп ұстау және қаланы санитарлық тазалау жұмыстары кіреді.
Оралда көше-жол желісін күтіп ұстау бойынша жұмыстарға Т5,3 млрд жұмсамақ, деп хабарлайды агенттіктің тілшісі.
«Тапсырыс беруші – «Орал қаласының тұрғын үй-коммуналдық шаруашылығы, жолаушы көлігі және автомобиль жолдары бөлімі» ММ; атауы – автомобиль жолдарын ұстау бойынша жұмыстар; қосымша сипаттамасы – 2025-2026 жылғы көше-жол желісін күтіп ұстау және қаланы санитарлық тазалау жұмыстары; саны – бір; өлшем бірлік – жұмыс; жоспарлы сома – Т5 357 142 857,14», – деп мемлекеттік сатып алу порталындағы лот сипаттамасында айтылған.
Конкурсқа өтінімдерді қабылдау мерзімі 24 желтоқсанда басталып, 8 каңтарда аяқталады.
«Жұмыстарды орындаудың талап етілетін түпкілікті нәтижесінің сипаттамасы: Жинау, жөндеу және жол жұмысшылары және жол техникаларының жыл бойына шығуы туралы күнделікті ақпарат беру. Әлеуетті өнім беруші өзінің конкурстық өтінімде: конкурстық құжаттаманың барлық шарттарын сақтауға дайындығы туралы мәлімет болуы, жұмыстарды орындаған кезде ҚР ҚН талаптары мен нормативтеріне сәйкес келетін материалдарды пайдалану. Жұмыс өндірісін ұйымдастыру мыналарды қамтиды: стационарлық және жедел-көшпелі бригадалардың жұмысын ұйымдастыру; арнайыландырылған машиналар механизаторлары мен жүргізушілер жұмысын ұйымдастыру; аумақты тазалау бойынша санитарлық айлықтарды техникалық және материалды қамтамасыз ету жұмысын ұйымдастыру», – деп жұмыстардың техникалық ерекшелігінде жазылған.
