Магниттік дауыл: қаңтарда қай күндер қауіпті екені белгілі болды
Бұл күндері көпшіліктің басы ауырады, қысымы көтеріледі және буындары ауырады.
Магниттік дауылдар және олардың хал-жағдайға әсері жайлы естіген боларсыз. Бұл Күндегі жарқылдардың әсерінен пайда болатын Жердің магнит өрісінің бұзылуы. Бұл тербелістер байланыс жүйесі жұмысына, сондай-ақ барлық тірі ағзаларға, соның ішінде адам денсаулығына да жағымсыз әсер етеді, — деп хабарлайды Massaget.kz тілшісі.
Магниттік дауылдардың әсерін көбіне ауа райына тәуелді және созылмалы аурулары бар адамдар қатты сезеді. Бұл күндері көпшіліктің басы ауырады, қысымы көтеріледі және буындары ауырады.
Қаңтарда қай күндері магниттік дауылдар болады?
Ресей ғылым академиясының ғарыштық зерттеулер институтының күн астрономиясы және гелиофизикалық аспаптар зертханасы мен Ресей ғылым академиясының Сібір бөлімшесінің күн-жер физикасы институтының мәліметтері бойынша қаңтар айы магниттік дауылмен басталады. Астрономдар 5 қаңтар күні магниттік дауыл болады деп болжайды.
сурет: xras.ru
Ал 10 және 16 қаңтарда магниттік қозу байқалса, 27 және 28 қаңтарда әлсіз магниттік дауылдар болуы мүмкін.
сурет: xras.ru
Магниттік дауылдың әсерін қалай азайтуға болады?
Ол үшін мына ережелерді сақтаңыз:
- таза ауада жиі серуендеңіз;
- бұл күндері рационнан алкогольді сусындарды, кофе және майлы тамақты алып тастаңыз;
- көбірек демалуға тырысыңыз, ұйқыны қандырыңыз;
- қарама-қарсы (жылы-суық) душ қабылдаңыз;
- су режимін сақтаңыз;
- егер қандай да бір созылмалы ауруыңыз болса, қажетті дәрі-дәрмекті өзіңізбен бірге алып жүріңіз.
