Оралда полицей жаяу жүргіншіні қағып кетті
Алдын ала ақпарат бойынша апат жолдың жарықтандырылмаған бөлігінде болған.
1 қаңтарда Меловые горки ауылының ауданында жол-көлік оқиғасы болып, жаяу жүргінші қаза тапты. Ауданнан тыс жерлерге шығуға рұқсаты болмаған Ақжайық ауданының ІІБ Көші-қон қызметінің қызметкері жаяу жүргіншіні қағып кетті.
БҚО полиция департаменті апат фактісін растап, ҚР ҚК 345-бабы, 3-бөлігі бойынша қылмыстық іс қозғалғанын хабарлады. Алдын ала мәліметтер бойынша, апат жарықсыз жолда болған, жүргізушіге келе жатқан көліктің фаралары кедергі келтірген.
Медициналық куәландыру оның алкоголь ішпегенін көрсетті. Рульде отырған полиция қызметкері Ішкі істер органдарынан босатылды. Қызметтік тергеу тағайындалды, басқа ақпарат жария етілмейді, деп нақтылады полиция.
