2025 жылы кімдер жұмыссыз қалады? Жоғалып бара жатқан мамандықтар аталды
Мамандықтардың жоғалуының екі негізгі себебі бар. Біріншісі цифрлық технологияларды дамыту аясында автоматтандыру болса, екіншісі еңбек нәтижелеріне немесе қызметтеріне қажеттіліктің жоғалуы.
Ғылым және жоғары білім министрлігі Қазақстанда жоғалып бара жатқан мамандықтарды атады, – деп хабарлайды Massaget.kz тілшісі.
Ведомство Tengrinews.kz сұрауына берген жауабында Жаңа мамандықтар атласын негізге алған. Ондағы ақпаратқа сәйкес, жойылып бара жатқан мамандықтарға 16 мамандық жатады.
Ауыл шаруашылығы
Болжам бойынша, 2025 жылы Қазақстанға бұл салада тамақ өнімдерін өндіруде буып-түюшілер, жем-шөптер берушілер, сұрыптаушылар, ет өнімдерін орайтындар (қолмен) және ет өнімдерін буып-түюшілер қажет болмайды.
Құрылыс
Бұл салада 2025 жылы сызбашыларға қажеттілік жоғалады: 2030 жылы – шатыршылар, оқшаулағыштар және сылақшыларға, ал 2035 жылға қарай – құрылысшы-монтажшылар мен онымен байланысты жұмысшы кәсіптерде.
Тау-кен металлургия кешені
Бұл салада 2025 жылы нормалаушыларға, тексерушілерге және визуалды ақпарат жинаушыларға сұраныстың болмауы болжанады. 2030 жылы люкші, бульдозер машинистері және сепараторлар мамандықтары өзекті болмайды.
