БҚО-да қауіпті заты бар жүк көлігі аударылды
Көлік Беларуссиядан келе жатырған.
Батыс Қазақстан облысында ТЖМ қызметкерлері қауіпті зат – тетрагидрофуранның ағып кетуін болдырмады.
Бәйтерек ауданында Беларусь Республикасының 21 тонна химиялық зат тасымалдап келе жатқан жүк көлігі жолдан шығып, бір жағына қисайып құлап кеткен. Нәтижесінде сұйықтығы бар ыдыстар аударылған, бірақ сұйықтық сыртқа төгілмеген.
ТЖМ қызметкерлері ағып кету қаупі мен халық пен қоршаған ортаға төнетін қауіпті тексерді. Радиациялық-химиялық қызмет оның ауадағы шоғырлануын өлшеді. Қатер табылмады.
Сондай-ақ жүк көлігінің жүргізушісіне жүкті қауіпсіз тиеуге және жүкті одан әрі тасымалдауға көмектесті.
Операция сәтті аяқталды.
