БҚО-да алаяқтықтың 10 эпизодына қатысы бар күдікті ұсталды
Алданғандар Теректі, Бөрлі аудандарының және Орал қаласының тұрғындары. Жалпы келтірілген шығын сомасы шамамен 500 мың теңгені құрайды.
БҚО-да полиция қызметкерлері керме төбе орнату (натяжной потолок) қызметін ұсыну арқылы бірнеше азаматты алдаған ер адамды ұстады. Алаяқ алдын ала төлем алып, міндеттемелерін орындамаған. Алдын ала төлемдердің сомасы 15 мыңнан басталып 118 мың теңгеге дейін болған.
Қазіргі уақытта алаяқтық фактілері бойынша 10 эпизодқа қатысты қылмыстық іс қозғалды. Алданғандар Теректі, Бөрлі аудандарының және Орал қаласының тұрғындары. Жалпы келтірілген шығын сомасы шамамен 500 мың теңгені құрайды.
Күдікті ұсталып, уақытша ұстау изоляторына қамалды. Қазіргі таңда алдын ала тергеу жүргізілуде.
